Wakili mashuhuri wa upinzani na aliyekuwa Meya wa Kampala, Erias Lukwago, ambaye pia ni wakili mkuu wa Dr. Kizza Besigye katika kesi ya uhaini, bado yuko mikononi mwa vyombo vya usalama baada ya kutekwa nyara Juni 15, 2026.
Mashuhuda walisema magari ya kijeshi yalizingira makazi yake eneo la Wakaliga kabla ya askari kupanda ukuta na kumchukua kwa nguvu ndani ya gari maarufu la “drone.”
Saa chache baadaye, Jenerali Muhoozi Kainerugaba, mwana wa Rais Yoweri Museveni, alichapisha picha zikimuonyesha Lukwago akiwa amefungwa macho na kushikiliwa, jambo lililozua ghadhabu kubwa nchini na kimataifa.
Mashirika ya wanasheria, asasi za kiraia na viongozi wa upinzani wametoa matamko makali wakitaka kuachiliwa mara moja, wakionya kuwa kuteka wakili ni kuvunja misingi ya utawala wa sheria na uhuru wa mahakama.
Shinikizo la kimataifa pia limeongezeka kutokana na nafasi ya Lukwago katika kutetea Besigye kwenye kesi nyeti ya kisiasa.
Muhoozi ametangaza kuwa atamkabidhi Lukwago kwa polisi.
About the Author
