Célestin Ecua, kijana mwenye umri wa miaka 23 kutoka Ivory Coast (Côte d’Ivoire), amekuwa gumzo kwenye mitandao kufuatia taarifa zinazoashiria uwezekano wa kujiunga na klabu ya Yanga SC ya Tanzania.
Kwa mujibu wa chanzo cha taarifa, Ecua alizaliwa tarehe 1 Januari 2002 na anacheza kama mshambuliaji wa pili (second striker). Kwa sasa yupo chini ya Zoman FC, klabu ambayo bado haijatoa maelezo kamili kuhusu mkataba wake, ikiwemo tarehe ya kumalizika kwa mkataba huo.
Pia inatajwa kuwa Ecua anawakilishwa na wakala kutoka WA FOOTBALL. Hii inaashiria kuwa ana ushawishi wa kitaalamu katika usimamizi wa taaluma yake, jambo linaloweka msingi wa uwezekano wa kuhama kutoka Zoman FC kwenda timu kubwa zaidi.Kwa sasa, hakuna uthibitisho rasmi kutoka Yanga SC wala Zoman FC juu ya taarifa hizi. Hata hivyo, mitandao imekuwa ikizungumzia uwezekano wa nyota huyo kujiunga na vinara hao wa Ligi Kuu ya NBC kama sehemu ya mipango ya kuimarisha safu ya ushambuliaji.Kwa mujibu wa tovuti ya Transfermarkt, Ecua bado ni mchezaji anayeendelea kukua, lakini mwenye vipaji vinavyoweza kuwavutia makocha wakubwa barani Afrika.
About the Author
